刻薄的老細, 赴死吧!

唔好話我知你唔憎你老細

打工仔！發洩吧！


按這裡進入游戲

發牙痕！

wubee先生，我的書與你沒什麼過節，我也沒有用它打過你，為什麼你要這樣對它.......
為什麼你要這樣對它.......
為什麼你要這樣對它.......
為什麼你要這樣對它.......
為什麼你要這樣對它.......
為什麼你要這樣對它.......
為什麼你要這樣對它.......
為什麼你要這樣對它.......
為什麼你要這樣對它.......
為什麼你要這樣對它.......
為什麼你要這樣對它.......
為什麼你要這樣對它.......

最重要的是，它不是我的，它是中央圖書館的.....要賠錢吧.....wubee！！(追殺中...)

忽遠忽近

慢慢
慢慢地
慢慢地忽遠
慢慢地忽遠忽近
慢慢地忽遠忽近的你
慢慢地忽遠忽近的你在哪裡
慢慢地忽遠忽近的你在哪裡遊樂
慢慢地忽遠忽近的你在哪裡遊樂時
慢慢地忽遠忽近的你在哪裡遊樂時有否
慢慢地忽遠忽近的你在哪裡遊樂時有否想起
慢慢地忽遠忽近的你在哪裡遊樂時有否想起我.....?

你在 左邊 還是 右邊?

咳死

我就嚟咳死啦！
最衰都係前幾日突然間回南天，忽冷忽熱咁
唉．．．好辛苦呀．．

嗎啡!?

今晚因為一啲事，令我心情好煩燥，好想渲洩，但係又唔可以大叫，那一刻，一首歌不停喺我腦海內playplayplayplayplayplayplay，直覺上我知道只要用呢首歌轟一轟我，我就會冷靜落嚟......

白日出沒的月球 - 蘇打綠

WuBee有Blog新開張！

WuBee仔終於有自己個blog啦！

http://www.macaupetclub.com/WEB/?1604

回顧07

真係好耐好耐冇上過來，甚至幾乎已經唔記得自己有個blog.....
今日睇返，睇返之前自己post的日記，原來，好多已經唔同晒

2007年2月19日星期一
<驚喜情人節>
我話 : "多謝你會想到與我一起看戲，雖然是賀歲笑片，但這樣我更開心，因為那齣是我很想看的，證明你會細心觀察我的每句說話，每個想法．"
- 但係事至今日，我已經唔記得當日我地係睇咩戲，不過你對我堅持既愛及呵護，到今天我仍想講聲多謝^3^

2007年2月25日星期日
<香水>
那兩支香水，一支幾乎用完，一支被我埋沒在某個化妝袋裏嚕

仲有好多好多，已經隨時間消失

近07年年尾我去了兩次廣州，兩次都係去荔灣舊城區，好開心可以發現到呢個新地點，包括：狀元坊，上下九街，一德路，尤以狀元坊最正，同一款式同一質料澳門賣MOP9x的冷衫，狀元坊賣RMB9.9，你冇睇錯，我冇打錯，係！！RMB 9.9！！，係舖頭，唔係街邊攤，全舖都係賣冷衫，全舖RMB 9.9，夠震撼吧，牛仔褲好多間都賣RMB25一條，款係靚架，洗水都係靚架，咩SIZE都有，我咁......都有！仲要係靚的，其他澳門要去東去西先搵到買齊的衫褲襪，呢條街有齊，比澳門平，價錢起碼平一半有多，每次去我都有斬獲，阿葉仲話呢度係天堂，哈哈，其實係架，佢身形易買衫，一定覺得呢度係天堂，如果我都係咁既身形，可能每個月搵成皮野都被我買衫買晒；相對地，上下九街賣的東西就比較貴啦，不過呢度好多野食，上至日本餐廳pizza店，下至街邊牛雜炸魷魚燒羊肉串等等，琳瑯滿目，你想食咩都有，好不繁華，聽P講，原來呢度在廣州開阜以來都係商業區，咁多年累積落黎，自然非常繁榮，車水馬龍，唔知大家有冇睇過動畫電影<小倩>，有一幕係寧采臣誤闖一個繁華城鎮(其實係幻覺)，那幕的繁華城鎮，就係我走在上下九街的感覺，很多招牌燈，很熱鬧；再有的就係一德路，一德路係全中國最大的玩具精品雜物批發集中地，P同阿葉其實係來買war game item咋，不過真係平好多，又係幾乎平一半，即刻有做生意的念頭，因為睇到好多人大大箱咁運貨走，應該係做生意的，不過呢條街的商舖一入夜就收架啦，舖頭門前就會開始聚集好多好多乞兒，路宿者等等，好雜，所以一定要朝早或下午去；總括，兩次都好盡興，期待下次

2007年12月8日星期六
我同P做出左驚人的舉動，適逢澳門回歸8週年及迎接北京奧運，12月20日有個"慶祝澳門特別行政區成立八周年、迎奧運萬人演唱會"，於12月8日星期六早上9時正開始公開發售6,000張門票，今次有好多香港歌星，其中不乏天皇天后級的，所以我同P都好想去睇，門票特平，MOP100一張，有澳門居民身份証MOP50!，每人限買4張，首100名購票者仲可獲表演歌星的親筆簽名CD一隻，於是我就同P，於12月7日晚上11點幾帶左張薄墊同GENLI去排通宵隊，當晚都幾凍，我地排第十幾，成晚好彩我條綠色大圍巾做被頂住，如果唔係實凍僵，早知聽佢地話拎張被同枕頭去啦，排到凌晨3，4點真係好凍~~~~~~，我就話肚餓想食個熱辣辣咖哩牛腩面，P話去OK or 7-11賣野返來食，排到5點幾都仲係得17，18人，我就話早知唔好咁早來，點知一到6點幾天光，即刻越來越多人排，一下子增至起碼廿幾人，我地坐多陣都執野準備，9點正來到啦！我地都衝去買飛，買完仲去左興記食意粉同去李叔度買大菜糕返澳門，返到屋企都中午啦，即刻大被蓋過頭就訓嚕！
不過，12月20日當日我地冇去睇呢個演唱會，因為我地2人買左8張飛，都非常lucky及奇蹟地以高價賣晒出去，都有賺架，50蚊一張四張就200蚊啦，有人出810蚊同我賣左去，哈哈，商業奇才就係咁樣造就出來架啦！仲有買飛送的楊千嬅親筆簽名CD，其中一隻亦於前幾日以210蚊賣出左啦，而家仲有一隻，唔知有冇人買呢～

後記：給失業中的我，好想做小生意啊！