驚喜情人節

2007年2月14日...
一個驚喜的日子..
多謝你送上11朶pink rose到公司給我，令我成為當日全場唯一在區域收花的gal．
多謝你會想到與我一起看戲，雖然是賀歲笑片，但這樣我更開心，因為那齣是我很想看的，證明你會細心觀察我的每句說話，每個想法．
多謝你．．．

congratulation!

距離上一次打blog差唔多成個半月
becoz我部notebook又中左木馬....but其實我已經洗左架啦...but洗完都係勁窒....都唔知點解...
我諗住出左糧直頭成部野拎去幸運閣搵人搞掂佢...洗virus又好,,,洗木馬又好,,,可以既同我裝過個防virus木馬software咁就最好....but我又唔知幾錢.....有空去問下價....

o岩o岩返左幾日新工,,,,感覺幾好,,,係我想要戈類^^
希望可以做長遠d啦,,,,,我要再上學去呀,,我要連大學生都唔夠我爭!!!!!!!!!!\口/!(大口氣的傢伙)

其實呢排都冇咩特別野丫...都冇咩好mark down既.........

暫時係咁先啦

收筆@

Shall I cry...

今日...星期五...其實係星期六...因為而家已經係深夜4點幾...
我同平時一樣...都係未訓著, o岩o岩攤係床睇今日租返黎既漫畫同小說...
3漫畫1小說...1個鐘多d已經睇晒...好彩今日幫人買眼藥水戈時順手買左本mina
睇...睇...睇...好快好求其咁睇晒...放左係枕頭底...以備無聊訓唔著既時候再睇

一本最鐘意睇既雜誌點解會咁睇得咁求其...係因為...
我好悶...
唔係本雜誌悶親我...亦唔係d漫畫同小說悶親我...
係一個人...我知道佢呢兩個星期都好忙...忙完哩樣又忙戈樣...
連佢最大既嗜好 - 打機, 都忙到冇時間玩...
所以佢一有時間就玩...
即使係冇新game賣...退而求其次買舊game佢都要玩....
我冇怪佢...因為佢嗜好唔多...閒來冇事....呢樣幾乎每個男仔都鐘意既最大嗜好就係佢既娛樂...呢兩個星期以黎...我對佢一有時間就玩既態度冇咩感覺...甚至有時會同情佢...
因為佢玩緊既時候..可能就係佢最放鬆既時候...

不過今日有d唔同...唔同既係我既感覺...
呢種感覺出現係我睇mina戈陣時...
我漸漸覺得...佢呢輪一有時間就打機..究竟係咪為左爭取一d私人空間同時間呢?
當我客觀咁睇...呢兩星期以黎...好多時都係我, 係房間睇書上網...佢, 係廳打機...
打到累..眼訓...佢先會收手....返入黎房
入到房...佢都係即刻上床訓....可以立即訓著....
我試過叫醒佢...想同佢傾計...但係做唔到...
因為佢應左我半句說話之後就再次訓著左...
在於佢既角度...可能冇乜野...因為聽日仲要開工...即刻訓好正常....
在於我既角度...佢究竟係邊個...?係我生命中既咩人..?點解會打完機打到累就走上我張床訓.....大家各自訓醒之後佢會比我一個goodbye kiss....就返工....到夜晚放工返黎...佢依舊把握時間...握住...
佢唔想放手既手掣....而我...除左可以睇書上網之外....就只可以陪佢睇佢打機....
究竟我地係咪真係見得太多?
多到甚至連放工之後, 打機之後既少少時間都唔可以用黎傾計談心......
佢比我既感覺係打機打到累後就即訓....
係咪想避開可以見到我既時間....?....
我知....其實佢唔鐘意同我傾計......甚至我地未傾過超過半小時既電話...
所以我地如果唔一齊住....其實我相信未必可以一切到今時今日...
但, 照而家情況睇黎...會唔會連一齊住...其實情況都唔係咁好呢....?

好似而家咁, 佢已經訓得好?, 我依舊仲上緊網, 係佢o岩o岩打完機入黎, 我都係上緊網, 佢叫我幫佢滴眼藥水, 同時佢都話佢知佢打左成晚機, 不過我話算...滴完眼藥水..我叫佢合埋眼, 佢合埋眼等d藥水滲入去, 同時亦象徵住...佢開始訓...我忍唔住叫左佢一聲....問佢飲唔飲湯(媽咪今日煲左湯, 我同媽咪夾埋呃佢係"肉骨茶", 其實係"杜仲煲豬尾骨", 媽咪知佢之前扭傷條腰, 今日特登煲呢種湯佢飲, 話對腰好, 我知照實講佢一定唔願飲, 見陣味咁似肉骨茶, 所以同媽咪一齊呃佢)?...佢醒一醒...話自己冇訓...話要合埋眼抖下...d湯一陣飲...再過左一陣....我再叫醒佢問多次 : "d湯你飲唔飲呀?唔飲我放入雪櫃啦...", 佢答我 : "d湯放入雪櫃聽日會唔會煲返熱黎飲?", 我話 : "會掛, 不過唔知會唔會唔記得左煲返, 搞到最尾又要倒...", 佢話 : "咁呀...等我諗下先..............................................................................."
佢最後都冇答到我, 因為佢已經訓返.....
我冇再問佢, 直接將d湯放左入雪櫃.

以上我地既對話既多少...就係我地呢一兩個星期每晚佢打完機之後既數量....
加埋.....10句都冇....

這幾天...真的不禁有點傷感...和寂寞...- _ ,-

又到中秋...又到中秋...你今日人月兩團圓左未?

過埋個國慶, 一個星期之後, 中秋又到啦 今年比上年天氣好左, 夠涼, 唔怕熱辣辣....-_-"
咁先好玩, 我真係唔想過一個熱到流晒汗既中秋....甚至係聖誕.....-_-"
話時話, 肥牛佢地國慶都放成個星期假, 其實一國兩制係好, 但係放長假唔好兩制咁就仲好....wakaka!!

又有個人就黎brithday啦, 呢到brithday都幾決定性, becoz係人地既16yrs.
brithday 16yrs......, 可以開始做好多以前唔做得既野, ex. 落機舖, 打工.....etc.
仲係真正love既開始發芽期, 有好多人既puppy love都係發生係16~18yrs架(16yrs以下發生戈d好多時都係柴娃娃玩下...)
so呢段時光最好做d義無反顧既事, 咁先對得住自己既"未成年時期"
anyway, a big wish 4 the guy of 16yrs. brithday soon啦

我近呢幾日又覺得自己d skin差左啦...T_T!!點好呢...可以做d咩呢.....

P呢個星期都好慘T口T!!要做看更呀!!仲係半夜添!!其實計我話得佢一個人睇住d野有春用咩....
人地有心偷你既, 一野打暈佢啦, d大陸佬呀, 裝修佬呀戈d, 幾大力先得架...
有得幾個咁黎呀, 捉埋佢走都得啦, 何至偷你野, 捉完佢走再慢慢偷都未遲呀
好心一係請保安(最好請賓佬戈d添喎, 驚唔夠抽呀)
一係搵多一兩個黎一齊睇啦, 搵多一個都好丫, 有個照應丫嘛
頂佢!人地賣衫一個人睇舖都有得鎖門去?所啦
佢冇喎!冇門喎!露天喎!d野又攤晒係台喎!又得一個人喎!點去廁所呀!
第一日睇仲要由戈晚8:00睇到第2朝9:00喎!!成13個鐘呀!!無良架T口T
我都試過連做13個鐘野呀, 累到返到home沖完涼唔夠5 mins即訓呀, 個人散晒咁!
佢係文化中心戈邊又冇乜ok, seven係左近喎, 有都唔過得去買啦!!妖!!都唔係路!!
雖然P話呢一兩日佢公司個老細呀戈d都有去買野佢食呀, 買野佢充饑過日辰, 但係點都有d講唔過去丫嘛...
but P竟然話呢個係考驗.....磨練喎.....-_-".....係咪苦中作樂我唔知呀....不過佢咁講我都冇辦法啦, 唯有希望佢身體唔好捱壞就得啦
佢老細都話過知佢辛苦, 會識做架啦咁, 希望真係識做啦, but如果佢d識做係係出糧戈時加多100大元咁大把就真係打實佢...XD
都係唔好估, 咪應間100蚊都冇, 得50.......................真係唔敢想像, 大家都明白"老細"呢樣動物係幾咁X架啦
希望一切順利啦, 仲有希望P可以提早到出糧啦, if not今個中秋我地唔係玩燈籠, 食月餅.....係玩手指, 食西北風架啦.....T_T

蝕月

我仍然係雙失

搵工...快d搵到工...要快d搵到工...我要快d搵到工

冇人生樂趣

冇energy

冇青春

冇錢

得返.....P同媽咪

人地放暑假...我就失業中

而家返晒學...我仲搵緊工....

我過得好廢呀.....

今日睇完某朋友既blog...諗起曾幾何時我同P都係愛得咁熱情開心...黎到而家...熱情退左...收左變細火...我有工返既時候就日日朝早起身返工.....放工.....返屋企食飯.....食完飯.....佢打X-BOX...我online.....大家都玩到累.....訓覺........起身返工.....放工.....返屋企食飯......食完飯.....佢打X-BOX...我online.....大家都玩到累.....訓覺........起身返工.....放工.....返屋企食飯.....食完飯.....佢打X-BOX...我online.....大家都玩到累.....訓覺........機械式既動作...

好羡慕某朋友同佢女朋友....佢地為暑假尾一齊去旅行而一齊係暑假期間搏命做野搵錢....大學...唔通真係一生人中不可劃決既開心時刻?....反而我呢種....高不成低不就.....其實而家先得21歲.....就好似青春已過咁....同同我差唔多年紀既....有D都仲讀緊書....疏離啦.....有D係大陸讀書...更疏離啦.....以前成日同我行街又o岩傾既一個朋友.....仲結埋婚....生埋仔.....有頭家....咩都唔同晒....唔通仲得閒就出黎去街咁咩......人地都要陪老公...陪仔仔....細過我起碼3年既....冇乜邊個...得一個...大過我既...又好似諗野好成熟咁....同佢地傾計個腦轉得好辛苦....要match佢地講既野同語氣行為.....

而家諗返起....自己連高中都未讀完.....人地讀高中既時候都可以係開心時刻.....而我只係停留左係自己既高一時代....身邊既朋友都係初中高一時識...

好多時我諗好多野...但係又唔做...好似諗住去沖涼...最後又冇沖....諗住飲水....最後又冇飲....諗住搵工....最後又冇搵....諗住減肥....最後又冇減....諗住唱k....最後又冇唱.....諗住去邊度邊度....最後又冇去.....諗住打blog...最後又冇打.....諗住游水....最後又冇游....諗住剪頭髮....最後又冇剪....諗住睇醫生.....最後又冇睇.....諗住訓覺....最後又冇訓....等等等等....實在太多...可能呢個情況好多人都會咁...但係我好似特別多.....總之就係少左份衝勁啦.....怕前面既困難....怕前面既不如意....怕前面既人太多會將我逼返出黎.....或者.....前面既路...我仲未搵到...

有首歌幾好聽...信我style既就聽下...歌名:蝕月...主唱:櫻桃幫

又悶又煩..HELP ME!(而家仲好肚餓添....)

好悶呀...日日都成67咁坐係屋企....變化石啦!!!@口@!

又冇錢...飯都冇錢買...得返10張M記cash coupon....
死高士德M記又咁死遠!
行到去都餓死左啦!

250粒鐘/每月既上網時間係我係又上唔係又上既情況下....
到今日為止...只用剩2000分鐘左右..
今日先19號咋!!!!!!點捱呀!!!!!!!唔要爆呀!!!!爆左冇錢比呀!!!!正仆街CTM!!!>口<
電話費你都掠夠啦!!!!正仆街!!!!(抓狂中...)

我又想讀返書啦....好懷念校園生活所以想讀返書....睇中新華夜中學架...
唉....但係都要搵到野做先有錢讀架....真係麻煩...

好煩呀好煩呀!!!!呢排好煩呀!!!!!呢樣又煩!!!!戈樣又煩!!!!!乜咁撚煩架!!!!!!

＊＊無後悔之品＊＊

我終於都打blog，因為我之前竟然唔記得左自己有個blog=.=/
我而家係雙失青年．．T_T，但係好舒服！日日懶懶閒咁係屋企"hea"，好寫意既生活/
雖然冇錢洗，但係真係好舒服@@

琴日出拱北買左對新鞋！！好靚呀＞整張相睇睇
check－＞

白色漆皮高跟鞋
顏色　　：白色
材質　　：漆皮
跟高　　：3吋
鞋身底高：0.5吋
盛惠　　：$60



雖然佢同我對夢幻珍品差少少，但係我都覺得好靚＠ｗ＠

＊＊無後悔之品＊＊