嗎啡!?

今晚因為一啲事，令我心情好煩燥，好想渲洩，但係又唔可以大叫，那一刻，一首歌不停喺我腦海內playplayplayplayplayplayplay，直覺上我知道只要用呢首歌轟一轟我，我就會冷靜落嚟......

白日出沒的月球 - 蘇打綠

WuBee有Blog新開張！

WuBee仔終於有自己個blog啦！

http://www.macaupetclub.com/WEB/?1604

回顧07

真係好耐好耐冇上過來，甚至幾乎已經唔記得自己有個blog.....
今日睇返，睇返之前自己post的日記，原來，好多已經唔同晒

2007年2月19日星期一
<驚喜情人節>
我話 : "多謝你會想到與我一起看戲，雖然是賀歲笑片，但這樣我更開心，因為那齣是我很想看的，證明你會細心觀察我的每句說話，每個想法．"
- 但係事至今日，我已經唔記得當日我地係睇咩戲，不過你對我堅持既愛及呵護，到今天我仍想講聲多謝^3^

2007年2月25日星期日
<香水>
那兩支香水，一支幾乎用完，一支被我埋沒在某個化妝袋裏嚕

仲有好多好多，已經隨時間消失

近07年年尾我去了兩次廣州，兩次都係去荔灣舊城區，好開心可以發現到呢個新地點，包括：狀元坊，上下九街，一德路，尤以狀元坊最正，同一款式同一質料澳門賣MOP9x的冷衫，狀元坊賣RMB9.9，你冇睇錯，我冇打錯，係！！RMB 9.9！！，係舖頭，唔係街邊攤，全舖都係賣冷衫，全舖RMB 9.9，夠震撼吧，牛仔褲好多間都賣RMB25一條，款係靚架，洗水都係靚架，咩SIZE都有，我咁......都有！仲要係靚的，其他澳門要去東去西先搵到買齊的衫褲襪，呢條街有齊，比澳門平，價錢起碼平一半有多，每次去我都有斬獲，阿葉仲話呢度係天堂，哈哈，其實係架，佢身形易買衫，一定覺得呢度係天堂，如果我都係咁既身形，可能每個月搵成皮野都被我買衫買晒；相對地，上下九街賣的東西就比較貴啦，不過呢度好多野食，上至日本餐廳pizza店，下至街邊牛雜炸魷魚燒羊肉串等等，琳瑯滿目，你想食咩都有，好不繁華，聽P講，原來呢度在廣州開阜以來都係商業區，咁多年累積落黎，自然非常繁榮，車水馬龍，唔知大家有冇睇過動畫電影<小倩>，有一幕係寧采臣誤闖一個繁華城鎮(其實係幻覺)，那幕的繁華城鎮，就係我走在上下九街的感覺，很多招牌燈，很熱鬧；再有的就係一德路，一德路係全中國最大的玩具精品雜物批發集中地，P同阿葉其實係來買war game item咋，不過真係平好多，又係幾乎平一半，即刻有做生意的念頭，因為睇到好多人大大箱咁運貨走，應該係做生意的，不過呢條街的商舖一入夜就收架啦，舖頭門前就會開始聚集好多好多乞兒，路宿者等等，好雜，所以一定要朝早或下午去；總括，兩次都好盡興，期待下次

2007年12月8日星期六
我同P做出左驚人的舉動，適逢澳門回歸8週年及迎接北京奧運，12月20日有個"慶祝澳門特別行政區成立八周年、迎奧運萬人演唱會"，於12月8日星期六早上9時正開始公開發售6,000張門票，今次有好多香港歌星，其中不乏天皇天后級的，所以我同P都好想去睇，門票特平，MOP100一張，有澳門居民身份証MOP50!，每人限買4張，首100名購票者仲可獲表演歌星的親筆簽名CD一隻，於是我就同P，於12月7日晚上11點幾帶左張薄墊同GENLI去排通宵隊，當晚都幾凍，我地排第十幾，成晚好彩我條綠色大圍巾做被頂住，如果唔係實凍僵，早知聽佢地話拎張被同枕頭去啦，排到凌晨3，4點真係好凍~~~~~~，我就話肚餓想食個熱辣辣咖哩牛腩面，P話去OK or 7-11賣野返來食，排到5點幾都仲係得17，18人，我就話早知唔好咁早來，點知一到6點幾天光，即刻越來越多人排，一下子增至起碼廿幾人，我地坐多陣都執野準備，9點正來到啦！我地都衝去買飛，買完仲去左興記食意粉同去李叔度買大菜糕返澳門，返到屋企都中午啦，即刻大被蓋過頭就訓嚕！
不過，12月20日當日我地冇去睇呢個演唱會，因為我地2人買左8張飛，都非常lucky及奇蹟地以高價賣晒出去，都有賺架，50蚊一張四張就200蚊啦，有人出810蚊同我賣左去，哈哈，商業奇才就係咁樣造就出來架啦！仲有買飛送的楊千嬅親筆簽名CD，其中一隻亦於前幾日以210蚊賣出左啦，而家仲有一隻，唔知有冇人買呢～

後記：給失業中的我，好想做小生意啊！

進行中，矇矓期待

所有事都是這樣

手握著，手麻了，就不討好，想丟棄
未握著，彷彿較優秀，就空空期待

期待不麻時那一陣子的感覺
懷念剛握著時微妙的感覺

彷彿有火花在你胸口中，會燃燒
燃燒至深夜獨自一人時還不覺有要熄滅的現象

可能是某時刻出錯的感覺
又可能是正確的期待
反正無人不愛

玩樂與工作的關係

我而家係公司，靜雞雞係某個角落度online........

好想快d出糧，因為我同阿葉講好要搞個<>～!
大家聽到係咪好想去呢?
不過唔好意思，呢個係一個private party，只限少量人數參加，最多唔可以多過4個人，而直至今日已有3個人會去啦，即係得返一個位，你冇行架啦，咪黎啦！
日期未定，不過一定係15號之後，而且一定係星期六，該日行程精彩豐富，先有下午想做乜就做乜，想買乜就買乜，再黎晚飯去POLKA食，貴野黎架，唔好睇小！晚上會去唱K，人數少，唱歌都唔洗爭咪，小食又可以叫多d，一樂也！

係咁做野冇甩拖，7,8,9月人工多！
希望班大帝返多d單啦
今個月懶懶閒都有200幾張，最好下個月爆單！(爆數對我黎講冇用，case數先有用!)

咁先你OK，我OK！

！

大家好！又係我！好高興係度同大家見面！
今日係放假既第3日！
我將第1同第2日混左過去，連續2日都冇出過街
(其實係因為我山窮水盡咋，如果有貨我會唔出街！蝦！開玩笑！)
神啊！請給我多點銀兩！orz
好想買ndslndslndslndslndslndslndslndsllllllllllllllllllllllllllll......T_T
出左糧都未必還到我呢個心願...T口T
絕體絕命公式參上！
"6000-2000-1000-1000=2000"
等我仲話買過部電視機添，而家都係諗過先....

復活節復活

終於爭取到6號放埋假啦!!!!!!!!!!^口^
即係一連5,6,7,8號放四日!!!!!正!
呢幾日好懶呀...唔知係咪因為天氣好wet既關係...
但係今日都返左風,,幾乾爽,,,啦,,都係咁懶洋洋咁..唔想郁...