從此以後，公主同王子就過住健康嘅生活啦

今晚本來去來來睇煲，買唔成，反而捧咗呢咋嘢返嚟。

嚟緊年初一二三都係靠佢哋架啦！

[大發現]Loreal 水清新 PACKAGE！

今日已經係年廿九啦，重有兩日就到年初一，但係冬天都大大話話過咗大半，呢個禮拜尾重話回暖添，不過都無阻我保濕救亡嘅行動。

大傷風嘅狀況底下，今晚同潘先生外出鮨味亭撐枱腳，食咗一大堆嘢，本以為$4xx埋單，點知只係$326（可恨我冇叫刺身！），及後轉戰「老屈」，俾我見到LOREAL水清新package，即時兩眼放光


據知呢兩款產品已經出咗一年左右，fine，我承認我後知後覺，但而家知都唔算太遲啫。package內包括上圖呢支ｗater-plumping mask，重有下圖呢瓶aqua-essence，單買aqua-essence貌似要$136左右，ｗater-plumping mask好似都係差唔多，而家一pack過買就$189，我冇貨比三家，不過計落算係平咗咁啦。



買咗新嘢就梗係嗱嗱臨返屋企試用啦喂！

沖涼洗面後，先用Daiso Q10爽膚水噴匀全面，仔細抺一次，作為二次清潔（此步驟實在係廢話）

抺後就直接上ｗater-plumping mask，我T字位應該係中性偏油，平時冇咩油出，但絕對受唔起滋潤型護膚品，會泛油光乃至起暗粒，春夏秋冬如是，所以我會先全面上薄薄均勻一層，再喺兩頰加多一層敷厚少少，咁就同時解決到兩頰嘅乾燥問題。

10分鐘後用爽膚水或清水抺走，我個人偏愛用熟水抺(即係飲得落口嗰啲)，感覺乾淨啲，抺乾淨後已經feel到皮膚有「動L」，跟住上aqua-essence，根據自己膚質去搽，我係先搽兩頰，再推埋頸，最後再將剩餘推至T字位。

雖則佢係一瓶essence，但我認為可作lotion之用，因為見佢盒上所寫，聲稱已有儲水功能，咁我姑且相信佢，最重要係再搽多一層lotion我未必受得住，可能會起粒，當然你唔放心咪搽多層。

我本身唔習慣塗抺太多護膚產品，今日cleaner->toner->mask->essence對我嚟講已經係好鬼多，不過秋冬搽多少少都係應該嘅

[淘物分享]雪boot們、葉小姐的袋衫

1. 極平小鹿家居雪地靴(第一行圖左) - RMB$14-$17

媽咪買的，我同佢一樣，都係怕凍嘅人，佢話買對嚟放狗或者買餸著都好喎，一穿就得，又方便又保暖～

2. 迷彩男裝防水布面雪地靴(第一行圖右) - RMB$78

潘先生買的，今年冬天連佢都要著雪boot，證明真係好好好好好凍！佢年年冬天喺屋企都係著人字拖架咋！

3. 毛毛孖襟連帽卡其大衣(第二行圖左) - RMB$59

葉小姐的，每年兩度葉小姐回澳嘅日子，又點少得買下一堆又平又啱心水嘅衫，呢件係其一。

4. 編織拉鏈灰色袋(第二行圖右) - RMB$33

都係葉小姐的，每年兩度葉小姐回澳嘅日子，佢買衫之餘又點少得買返個又平又啱心水嘅袋。

5. 牛津布木結他袋(第三行) - RMB$10

仍然係葉小姐的，由於葉小姐想喺留澳期間抽空繼續練習結他，但喺澳門買多個結他實屬戇居，咁啱當年嘅潘先生曾玩過吓結他，順理成章，就可以借比葉小姐，但此結他冇結他袋，所以仍是要花10蚊買個結他袋去將佢運過葉小姐屋企= =

*做咩今次冇我份架！？

(本文沒有特別標明出處的圖片分別取自淘寶店舖http://xuanmeige.taobao.com、http://0399.taobao.com、http://rq58.taobao.com、http://socoolbag.taobao.com、http://musiqueguitar.taobao.com，為免有替其打廣告之嫌及保障該店店主私隱，圖片上如印有用於識別的水印或任何聯絡方式，均會粗略抺去，如有造成侵權或不便，敬請告知，本人定必立即刪除，特此聲明。)

冇常識？點生活？

＊轉自小克粉絲俱樂部

（扮咗半個台灣人都有一段時間，打篇文章都一大堆的的了了喔喔耶耶，都係做返廣東人實際啲，但不代表一定只打白話:P）

近日對手好懶好懶，冇update blog，又冇雕膠擦章，但個腦袋同對耳都異常勤力，一直聽到兼思考咗唔少問題。

上面係小克哥喺2011年1月23日，出咗一篇名為＜File#351 在谷歌道與百度路交界＞嘅圖，當中嘅文章正正hit中內心深處，連日來都未能忘懷。

有幸自己呢段時間能摱車邊做到補習姐姐，雖然冇教師咁鬼沉重嘅責任，但係至少俾我聽到兼睇到新一代超越正常思考邏輯嘅思維。

我唔明白，對新一代嚟講，咩先係常識？

而有趣嘅係，「常識」本身就係解日常知識，冇常識？點生活？

眾級學生當中，以中學生為有問題嘅表表者。

某日，初中二嘅某位同學，同我媽講開笑，講講吓，佢叫我媽夜晚唔好morning call佢，佢唔係玩架，佢係認真講架，我同我媽聽到，只有4個字：「哭笑不得」。

好，或者呢個係英語水平問題，唔算常識，又當可以拗過去，前日，某位同樣係初中二嘅同學，同我媽傾計，講起新年有咩節目，佢哋打算成班同學去燒烤，我媽講笑問佢哋：「喂你哋識唔識透爐架？」，嗰位初二男同學話：「透爐好似係用炭粉架。」又係4個字：「哭笑不得」。

以上兩個只係最常見嘅例子，溫習時嘅問題更多，仲有更多驚人嘅思維，實在不能盡錄。

呢啲天真可愛嘅中學生，已經讀緊初中二，唔通連烤都未燒過？還是大班朋友去燒烤，唔洗佢透爐，所以佢就柄埋一二邊，完全冇諗到自己係要知道吓點樣透爐？

對於呢啲新一代醒目仔醒目女嚴重超越正常邏輯嘅思考方式，我有一個極為天方夜譚嘅解決方案，就係將日常生活、交友對話、乃至透爐呢啲日常技能，甚至將當年唔知明珠定國際台嘅教育電視常識科，一併製成「芒亨」或者「CS」嘅更新大集合，唔明「芒亨」係咩？唔緊要，証明唔係新一代，斷估你思維都唔會有呢方面嘅問題(咁又唔代表冇其他問題嘅，又或者真係冇問題都未定)。

或者有人會話我，咁執著做咩啫？咪由得佢哋囉，大個自然會識架啦。

要等到幾大個？難道要等到讀完個大學學位？「大個」嘅定義係咩？

係，人會從失敗同錯誤中學習，但如果連基本問題都要等「大個」先識，難保將來街上會有幾多「大兒童」或者「大嬰兒」。

[淘物分享] 翻領皮褸、毛尼大衣

1. 翻領灰白皮褸(圖左) - RMB$146
我．終．於．搵．到．呢．款．皮．褸．啦！
超鐘意呢種機車款皮褸，即係人哋開哈利電單車著嗰啲，好鬼型！
灰白夠少見～灰白機車款又唔會太甜又唔會太tough！正呀～

2. 牛角鈕毛尼黑色大衣(圖右) - RMB$188
同店嘅，前筆甩嘅挺身剪裁，完全將我啲米芝蓮車胎遮住～
返風時，一披上身，咁就出得街，完全發揮我隨性慵懶(求其是但)嘅態度。




(本文沒有特別標明出處的圖片分別取自淘寶店舖http://lanlandm.taobao.com/，為免有替其打廣告之嫌及保障該店店主私隱，圖片上如印有用於識別的水印或任何聯絡方式，均會粗略抺去，如有造成侵權或不便，敬請告知，本人定必立即刪除，特此聲明。)

[淘物分享] 極平函數機、FRxD PExRY雜誌袋

1. 極平cxxio函數計算機(圖左)－RMB$10
幫朋友買，佢話好抵用，用落唔覺有問題。

2. FRxD PExRY雜誌隨書附送尼料袋(圖右) - RMB$38.99
好靚，唔知真定假，睇落做工唔錯，不過雜誌附送嘅袋多數made in China，由國內工廠流出或補單亦唔出奇。


(本文沒有特別標明出處的圖片分別取自淘寶店舖http://yxwj.taobao.com/、http://chaoliumenshibu.taobao.com/，為免有替其打廣告之嫌及保障該店店主私隱，圖片上如印有用於識別的水印或任何聯絡方式，均會粗略抺去，如有造成侵權或不便，敬請告知，本人定必立即刪除，特此聲明。)

[淘物分享] 狗用品、潔容霜、San Fran電話套

1. Frontline Plus狗用滅蚤劑10~20kg單支拆售(第一行左) - RMB$39.5
去淘呢啲藥品類，除咗價錢要拭，仲一定要再三比較，搵出評價偏高嘅店舖先好買，除卻假藥嘅問題，喺國內買藥都唔怕嘅，上海北京等大城市都有好多愛狗之人，佢哋都會上淘寶買，而且買返嚟包裝亦唔怕山寨。

2. 波波潔足液200ml(第一行右) - RMB$10
Wubee每晚必用之物，事關佢晚晚去街，就算乾燥天氣，去完返嚟四隻腳腳都會黑掹掹，用潔足液喺每隻腳掌上噴幾下，過水或用毛巾抹淨，咁就乾淨晒～

3. 蠶絲蛋白氨基潔容霜(第二行兩幅圖都是) - RMB$39
細細一罐仔，每次用量大約係一粒黃豆，加少少少少水，就可以起泡洗面，用後感覺不錯，而且雖然細罐，但應該可以用好耐。

4. Orange San Francisco磨沙電話套(第三行) - RMB$24
San Fran機身薄，連我呢個一向唔用電話套嘅人都忍唔住要用，好怕一失手，佢就跌個粉碎= =......


(本文沒有特別標明出處的圖片分別取自淘寶店舖http://shop33780907.taobao.com/、http://yanzhicaomeirenyan.taobao.com/、http://hwgsm.tmall.com/，為免有替其打廣告之嫌及保障該店店主私隱，圖片上如印有用於識別的水印或任何聯絡方式，均會粗略抺去，如有造成侵權或不便，敬請告知，本人定必立即刪除，特此聲明。)