Herbacin的身、手 及《Dedicated to...》

呀哈～

一向晏起身，偏偏前日就有好多嘢做。

其中一樣係買沐浴露，我好想買返曾經用過嘅Shiseido Kuyura花香沐浴露，實在忘不掉那種香味～

但澳門貌似只有卓悅有得賣，澳門又偏偏得一間卓悅！間卓悅又偏偏喺中區！偏偏我又唔係住中區！shit！

咁點呢？

咪又係發揮80後小宇宙：上網查囉！

查吓澳門仲有邊度有得賣呢支「澳門區稀有品種」．．．．．．

可惜，連個桔都查唔到．．．．．．

係素顏天使個blog有提過，佢話Kuyura好dry，dry到用後要搽double份量body lotion云云，呢啲唔重要，佢仲同時介紹咗另一支，就係本文主角－Herbacin洋甘菊沐浴露。

Herbacin洋甘菊沐浴露

 

(又搵唔到部G10，San Francisco影住先)

從佢文中得知，呢個Herbacin係德國老牌子，即時就令我心郁郁，亦得知Colourmix有得賣，遂把圖片攝之，以方便搵。

於是第二日就去咗Colourmix，由我屋企行去高士德宣道堂對面嘅Colourmix，又趕住買完返工，都唔知為乜。

一入門，遍尋不獲，示相片與sales觀之，sales報以「哦，有呀～」回應，一問之下，MOP$99大元．．．嗱，先說明一下，我呢就並唔係生活態度擁護者，99個大洋一支沐浴露，我都有啲肉赤，但我又想知，佢憑咩賣99大洋？

所以，我決定買。

亦好彩地，此牌子正在做優惠，買兩件貨品可享八折～

sales游說我買其hand cream，我亦從素顏天使文中睇到其hand cream係如何好用，不過佢一支hand cream貌似要MOP$2x，我又唔係冇得用，冇啦啦買多支都唔知做乜，再望真啲，發現一小盒鐵盒型物品，向sales問去「這是啥？」，sales支吾以對，我就覺奇怪，拿起觀之，哦～同樣是hand cream，不過是小巧版，心想，既然是小巧版，又何況一試，用唔晒放喺度都冇浪費咁多丫。

Herbacin洋甘菊hand cream

(仍是以San Francisco拍攝)

沐浴露99大洋，加上hand cream11個幾，再打八折，哇！90蚊而已！嗰刻覺得自己精明過精明眼！

買後就趕頭趕命仆返中心

收工後慢步去天域買Rubberband新大碟《Dedicated to...》。

 《Dedicated to...》Rubberband

 (都仲係以San Francisco拍攝)

回家途中見到高士德廣星巴士站嗰邊有間Colourmix．．．．．．

呆了兩秒，心裡發出：「頂．．．」一聲。

收拾戇居的心情，返到屋企，一輪晚飯雜務後，坐低打開此碟，聽到悠悠藍調，一身繁囂，一掃而空。

如果你都喜歡blue、jazz、band sound、soft rock等等呢類音樂，也不妨聽聽Rubberband，或者會不小心愛上佢哋。

[淘寶破事兒] 一屋淘寶，豈止此數！

一屋淘寶，豈止此數！

今晚羅柚痕，忽然醒起前幾日想做嘅事－整埋舊淘寶交易紀錄。

我嘅舊淘寶交易紀錄，並非親自喺淘寶購物，而係淘寶代購商代買。

大概喺08年尾至10年中，打後嘅淘寶購物旅程，已經搵咗另一淘寶代購商，因為上一家開始貴，計落冇咁化算，幫襯你幾耐都好，自然要轉軚。

整理之下先發現，08年尾至10年中購入淘寶嘅總額，已經有兩萬幾葡紙，呢度唔係只計商品價，包埋運費、代購商手續費等。

當然時至今日，一定唔止兩萬幾，因為我仍然在淘！

呀～我仲發現到一個小插曲，原來09同10年嘅4月14號，兩年某人生日嘅大日子，我都仲喺度淘XD

淘寶萬歲！

淘寶搜奇系列 - 罐頭雞中翼

罐頭午餐肉食得多，罐頭雞中翼我真係想試吓！

呢罐罐頭雞中翼係軍用食品之一，我第一見到真係有啲歡喜，葉小姐見到應該會更歡喜。

喜歡食雞嘅朋友，真係無時無刻都想食雞，你話買幾罐返嚟看吓門口咁幾好呢，早午晚下午茶宵夜，一日食足5餐，唔洗煮，開罐即食，嫌凍嘅開個微波爐叮叮佢(倒出嚟先好叮......)，微波爐唔健康咩？隔水蒸返熱佢又得！

入面睇落都唔差架，有汁有剩，啲雞肉睇落就冇楊X成咖哩雞咁柴，應該都可以試吓～

倒埋出碟你睇添，我見過有間拍埋片添架，不過我唔po出嚟啦，想睇喺淘寶打「軍 翅中 視頻」，搵唔到即係佢又賣晒貨/落咗架。

而家PO呢幾張圖所屬嘅軍用品及軍用食品店唔錯，喺廣東廣州，上次買咗幾包單兵自熱食品，幾嚿09壓縮乾糧，幾嚿仔空軍朱古力，賣家建議我唔洗用順豐，買咗1.5kg嘢，收我2kg運費RMB$30，OK啦，順豐好似1kg MOP$35左右，最重要係佢寄落嚟澳門，今發真係明至，我就好滿意，下次再買如無意外都會幫襯返佢。

(本文沒有特別標明出處的圖片取自淘寶店舖http://bajiayi.taobao.com，為免有替其打廣告之嫌及保障該店店主私隱，圖片上如印有用於識別的水印或任何聯絡方式，均會粗略抺去，如有造成侵權或不便，敬請告知，本人定必立即刪除，特此聲明。)

[自用！不是教學] San Fran簡略刷機過程

聲明：本人偶爾需要刷我的Orange San Francisco內核，此文只是擷取網上百家教學，加上我自己看得懂的輔助語句，只為方便我每次刷機不用找來找去，如看倌閱後看重我的文筆，用此方法試在手機上卻慘遭變磚，與本人無關，特此聲明。


Orange San Francisco(ZTE V880)刷機



1. 安裝ClockworkMod recovery
睇http://bbs.hiapk.com/thread-893423-1-1.html


2. 刷！
Step1a - down rom，確定係zip file，放入sd咭根目錄
Step1b - down rom，關機，取出sd咭，透過card reader將rom放入sd卡根目錄


Step2a - 關機，同時按住電源+音量向下鍵，就會進入ClockworkMod recovery。
Step2b - 入返張咭，蓋返好電源及後蓋，同時按住電源及音量「-」鍵，就會進入ClockworkMod recovery。
（ClockworkMod recovery操作：音量上下對應向上向下，home鍵對應選中，返回仍是返回）


Step3- 本身有刷過機的話，先選wipe data/factory reset及wipe cache partition以wipe清機內個人化軟件及快取等東西，否定有變磚可能！

Step4 - 選install zip from sdcard，選choose zip from sdcard(類似係句咁嘢)，用音量上下選要裝的東西，選好，按home決定，再選Yes - xxxxxxxxxxxxxx，之後等待安裝，安裝完會顯示Install Complete!

Step5 - 如有其他附加包(電池包, 版面修改包之類)，跟住裝埋，裝法同Step3一樣。
Step6 - 裝晒後，返回至第一頁，選第一項reboot system now，手機自動重開，搞掂。

轉載教學 ~ 老R4+Wood R4最新內核v1.25+雙內核教學+載點

本文原作者：仙女版大
轉自她的部落格：http://blingfairy.pixnet.net/blog
這裡特此感謝她～

閱前導覽：
1. 這篇教學文裡所指的老R4，是指最原始那張R4咭，R4 SDHC、R4 ULTRA、R4 I...等等都不是(仙女版大已在文中說明)
2. 這篇教學文裡的Wood內核和Wood內核懶人包會隨時間更新，而本人或許沒時間跟著仙女版大的進度更新此文，欲看最新狀況請直接點擊http://blingfairy.pixnet.net/blog/post/31484852#comment-34755749進入原文，謝謝。

以下是原文～

昨天有個 大膽的 網友直接加我MSN，註明了有R4的問題想請教...他說他的老R4不能玩一個新的遊戲!其實我自已也有遇到這個問題，在玩雷頓教授與魔神之笛我也是瘋狂白屏，去找了補丁後才能夠運行。

而他要玩的這個GAME (歡迎回來!小小機器人開心大掃除!)，竟然打了補丁也不能玩，爬了2H的文後發現，『需要配上別的內核!!』

於是在TVGAME360論壇發現 老R4專用的自製新內核 而且可以和老R4並存成為雙內核
天吶我真是興奮，一定要寫這篇教學告訴大家這個好消息!! 老R4的玩家不用再一直為新遊戲找補丁啦，用Clean Rom玩就可以了，而且有用過老R4的人會知道這是一張無可取代的好卡，想玩舊遊戲非得靠它不可，所以並存成雙內核是多棒的事!!

:此內核為 老R4專用，  R4 SDHC、R4 ULTRA、R4 I...等等都不能用哦!!!

 wood R4 懶人包 : Wood R4 V1.25   3/3  

 雙內核並存教學: 參考出處tvgame360

 1. 原文出處  (官網?) 右上方的最新版本V1.25下載回來，解壓縮完會有以下這2個東西。

 

 PS: 如果只想使用WoodR4這個內核，將這2樣丟進小N的記憶卡就行了，此內核會直接取代原本的V1.18內核。

 2. 再來要用  R4Crypt 這個軟體，將 這個檔解密。

 3. 下載完後打開R4Crypt資料夾，將要解密的檔放入同一層。

 

 4. 執行 gui.bat 檔，會跑出下面的視窗，按1後再按Enter，就會開始跑。
 

 5. 跑完會出現這個檔案，將此檔和步驟1得到的_rpg資料夾一起放入nds的記憶卡中。如轉不出來的話，本文最上面有我已轉好的可以下載。

  

 6. 打開小N後，一樣還是原本老R4的介面，請選擇Wood R4執行小N。

 7. 老R4的遊戲存檔是可以沿用的，請將XXX.SAV 更名為 XXX.NDS.SAV

 Wood R4 相關事項:

1) 更改繁體中文介面:打開ndsl後，按start，選擇settings, 再把language選擇lnag_zh，就可以變成繁體中文。
2) 軟復位(暖開機): L+R+A+B+下
3) 顯示隱藏檔案的設定: L+select 鍵(要先按L鍵)
4) 顯示出全體設定:  L+y 鍵 (1.09版本以後)  
5) 選擇遊戲時按 L+X 鍵會顯示金手指數據庫視窗

 Wood R4金手指相關事項:

把usrcheat.dat 丟入_rpg資料夾裡的cheats資料夾裡，但請先把usrcheat.dat 轉成UTF-8碼,才不會變成亂碼。

[淘寶搜奇系列] 太陽能電筒

聞西：呢支唔係普通嘅電筒，呢支係唔洗電芯嘅太陽能電筒，喺有光源嘅時候佢着…… 

司令：咁如果冇光……

聞西：絕對唔會着。

阿漆：有冇可能冇光嘅情況底下都會着呢？

聞西：問得好！熄燈！

操作員：係！

聞西：只要攞另外一支電筒出嚟照住佢，佢就會着架嘞。

以上呢段對白，相信百分之99.9識中文嘅人都唔會陌生。

先講講淘寶搜奇系列，有感本人經常瀏覽淘寶網，實在係有嘢買、冇嘢買、有嘢想買、冇嘢想買、有嘢準備買、冇嘢準備買都會睇一餐，只差在未將淘寶網設為首頁(我有考慮過)，因此不時都發現到好多新奇、奇異、滑稽等等嘅商品，有啲睇完真係得啖笑，有啲笑完你又會想買返嚟玩吓，其中都不乏真係用得著嘅，我決定每次見到呢啲商品，都po出嚟，當係sharing又好，記錄吓又好，笑吓又好乜都好啦。

淘寶搜奇系列第一彈，冇錯！聞西嘅曠世發明－太陽能電筒。

不過事實上，呢件商品冇聞西發明嗰支咁曠世，因為佢相對實用少少－有儲電功能。

儲電能力如何就要試過先知，該店店主仲好有心咁親自拍埋條片話你知，佢見到光之後，真係會着......

店主描述如下：

該店主要售賣軍用品，軍用工具、軍用食用(軍糧)亦有發售，呢個太陽能電筒，估計身在野外可能應該會發揮到用途嘅。

有興趣睇店主親自測試視頻或有意購買嘅朋友，可按＞呢度＜。

(本文圖片取自淘寶店舖http://2012psk.taobao.com/，為免有替其打廣告之嫌及保障該店店主私隱，圖片上用於識別的水印或任何聯絡方式，均已粗略抺去，如有造成侵權或不便，敬請告知，本人定必立即刪除，特此聲明。)

視野放大！15吋轉22吋～

  WOOHOO！

前言：我知道好多人已經用緊30吋以上，總之唔好笑我大驚小怪，OK?

YOOHOO！換mon已經講咗好耐，終於換咗啦～

一下子由15吋boom成22吋，老老實實，真係唔慣，本身想換個19吋算數，一嚟空間唔多夠，二嚟真係覺得好似太大咁，但潘生一句話：

「喂揀個有hdmi插口架啦。」

咁就唯有買個22吋......

對！我知你心入面/把口講咩！

「哇～個盒"靚"到呢～！」

青BB，又有啲金色咁......真係呢......

算啦......算啦......都係個盒啫！個mon唔囧咪得囉！

難得在我哋想要嘅功能佢都有，hdmi插口x2、電視天線插口(對，這是idtv)、內置speaker......等等。

以下cap自Youtube某電影trailer，話說呢套電影我嚟緊星期日應該好似或者可能如果就到時間嘅話會去睇，第一次看到廣告已經很想睇的說～

對唔住，離晒題......



以上cap自Youtube某電影trailer，720p(1080p我部雞肋會窒)，唔知係片問題定mon問題，明顯見到顆粒感......

但我可以既確切又肯定咁講，琴晚用xbox360插高清線試mon，真係幾靚，完全冇任何顆粒感，尤其COD black ops個CG靚到呢～～咳！....又離題了。

對！我相信係片嘅問題。

見到網上有人話，呢個牌子唔掂/極差/ｘｘ之恥等等呢啲negative評價，即係呢，我唔係要好靚，但係既然佢比到想要嘅function我，價位又ok，我又冇咩所謂嘅，idtv見親都要2字頭，呢部1700蚊，我都安慰架啦。