Top of Happy Holiday!!

ji4月29日(星期六) -
放工之後下晝去左剪頭髮..去到索性電埋..於是我個頭又再次回復昔日風采..
夜晚阿招招搞生日""所以去左roxi玩"""去到都冇諗過要唱歌""因為佢搞親生日實成村咁多人塞晒入間房度"""想唱歌呀??輪籌啦唔該...輪得黎都散BAND啦...玩下唔好..所以我同潘氏同提子先生非常自成一角地咁玩大話骰...我而家先發覺原來我地3個一行埋玩係會玩到笑到反晒艇咁...跟住我地玩玩下大話骰都玩到悶..就轉左玩估骰""""點知玩玩下連囉記"波狗"同潘氏以前話劇個小師妹(我到而家都唔知佢叫咩名)都JOIN埋黎玩"""咁我地梗係受啦""仲玩到不亦樂乎添>>而玩到最後提子先生終於倒下了....但係...佢係駛呠呠車黎架..咁佢點走呀....????但係走既時候佢堅持話自己開到車返屋企...我同潘氏都好驚佢出事...但係冇計..佢死要自己開車..咁算啦..咁我就叫佢返到屋企一定要比個電話我..卒之...佢都不負眾望返到屋企..亦有比到電話我-----我同潘氏先即刻放心晒~

4月30日(星期日) -
BBQ DAY!!好耐都冇一大棚人去BBQ啦!!人就多啦~有肥牛,李華聰,番薯,陳燕楣,佳佳,阿MIU,阿芬,碧桃,蘇WAI華,阿芳,WOMAN,提子,潘氏,潘志輝,同埋我""""成15個呀..點知去到黑沙..竟然冇爐!!仲要超多人..搞到要租爐...連爐連台連椅開天殺價成兩舊水!!!冇計..焗住要比...唔通買晒野唔燒呀..跟住就開始啦..玩下燒下咁~死肥牛佢地成8點幾先黎到..跟住我地發現左D野..蒜蓉汁沙茶醬燒小唐瓜同冬菇係好味到你會大叫:"好好好好味呀呀呀!!!!!!"咁.>w<.仲有個蒜蓉黑椒雞柳醬燒茄瓜又係好味到呀...正..仲有蒜蓉汁炒九菜~仲好味過D肉呀..所以搞到最後食淨好肉..哈哈~


呢兩日玩得真係好開心..好耐冇試過玩得咁爽..希望下次可以快D到啦!!