His breakfast

呢幾日都特別早眼瞓，自不然就特別早起身啦，咁早起身，有咩好做呢？

不如煮早餐啦，等懶瞓鬼起身有得食咗早餐先返工都好，打開雪櫃，有生菜，有肥牛片，有蟹柳，廳又有啲紫菜，將呢幾樣加埋公仔面就成為咗佢今朝既breakfast啦

<肥牛生菜包公仔面>

睇落好豐富，其實得4小嚿肥牛生菜包，而且肉只係佔好少部分，所以做早餐就啱啱好

Good cook blog

琴晚冇訓，成晚就係咁online睇嘢，諗天光比我見到個叫"通之廚房"既cook blog，首頁已經好吸引我，唔知係咪因為用食物做background既關係，總之外表就好ok啦，細看之下，內容以家常菜為主，但此家常卻不平常，每每令人驚喜，而該blog主所寫既簡介材料做法tips亦非常到題，唔似某部份cook blog硬係充斥住大量不必要詞語字句，另外該blog主亦喜歡起金句，每道菜一對金句咁，另外從"通之廚房"睇得出，呢位blog主係好用心去煮菜既

通之廚房 - 由此進入

p.s. "通之廚房"已經新增到本blog既cooking分類中 因沒有再放烹飪blog在板面，所以此blog已從本blog移除了

你唔X我啦

唉...
=================================
你唔愛我啦 - 李彩樺
作曲：伍樂城　填詞：黃偉文　編曲：伍樂城

Call你Call咗咁耐　四次你亦唔覆
實係做咗啲嘢　又怕我知道
識你識咗咁耐　無試過話送花
實係好心虧先會無端端送禮

＊成日唔搵　成日唔緊　成日話見但見一陣
態度唔同以前成個冷淡晒

是但啦　算數啦　唔煩你啦　無人錫我啦
再見啦　無野啦　實在夠啦　你唔愛我啦
是但啦　算數啦　又話錫我
話咁快就變晒　待我幾差
再見啦　無野啦　完場啦　你唔愛我啦＊

聽我講咗咁耐　氹下我亦唔得
淨係坐左係樹話我太多心
等你等咗咁耐　有無嘢同我講 淨係想聽多一次BB好愛你

REPEAT＊

(讀白)
以前出街你一定來接我
呢頭講拜拜你個頭又call
但係呢排　你有乜唔妥
眼定定唔出聲　你諗緊邊個
送俾你件t-shirt　你好耐無著過
我地幾時識　你又唔記得左
係咪淡左　係咪厭左　你唔再愛我

REPEAT＊
=================================

p.s. 若以上屬實，請早揚聲...

美味天王

近日經常整嘢食，不論鹹甜中西，一律都試吓煮




<燕麥牛油薄脆>
真係好脆，不過少食少食，因為牛油多過粉，好肥架！







<紙包蛋糕>
由於冇落蛋黃，整體已經冇咗全蛋香味，但當蛋白蛋糕食都未嘗不可









<椰汁雞>

非常非常之易整，作為家常版本，味道已經唔錯，值得一整再整！
焗後香味更濃更香





後記：
家中焗爐終於可使出真功夫！

《放課後少年》- 快樂回憶

　　前日下載咗一隻新nds game，個名叫《放課後少年》。
　　故事講述主角係一個同爸爸媽媽妹妹一齊喺某鄉村(就算唔係鄉村都絕對唔係城鎮)的開朗男仔，不久之後就要搬屋，佢平時同其他小朋友一樣每日放學返屋企放低書包就會走出街玩，期間每日都遇到唔同的人及趣事，總知喺搬屋之前喺個村度同每個人及朋友都留低美好回憶。以昭和50年初作為背景，背景音樂及畫面簡直應該令一眾nds迷叫好！真係非常出色！

　　講返隻game，第一眼睇到遊戲封面及畫面，我已經知道呢隻game非玩不可，一玩之下，真係非常令人回味，雖然本人唔係昭和50年左右出生之人，但此game之音樂畫面，主角與朋友之間的相處玩耍遊樂，完完全全令人重回當年與主角同年紀的時候，令人諗起自己都同試過同朋友有秘密基地，試過去士多仔買野食，買粒糖已經好開心架啦！諗起同街坊小朋友一齊追逐，諗起一齊發明好多唔洗錢的遊戲，真係....好開心...好快樂。快樂呢個詞，我其實已經唔識用，而家生活上冇任何事令我快樂，我字典內的快樂一詞，係會令人懷緬，會感動，唔需要感動到痛哭流涕，而係令人懷緬到心有幾個結扭住，解開就可以一再嘗試嗰種美好，咁先叫快樂。
　　
　　而家會有開心事，但係唔會有快樂事...因為發生ing的事，你唔會覺得快樂，回望過去，尤其童年時，快樂裝置會悄悄喺心內自動啟動...

《放課後少年》封面










入埋《放課後少年》官方網站，童年回憶...快樂...一湧而上...