請支持3月9日<關注虐畜愛心行>!!

所謂澳門經濟起飛，對於某部分本地人嚟講，其實只係假象一個

即係如果澳門冇咗賭業會點呢？常言花無百日紅，係真架，眼看身邊95%朋友都從事博彩業，特別感概，亦令我經常對自己講，我唔會入賭場做，因為太虛幻啦，又有可能係我個人鐘意包拗頸掛

講咁多廢話做咩呢咁，其實係想藉以上所講既問題，告訴每個人一啲事，澳門越繁華就越造就得多社會問題，我都好明白阿何生都就嚟卸任，唔需要咁落力去為澳門出力，但係事實又係咪咁呢？

童黨燒貓，呢件事令所有有良知既人震驚，燒貓，固之言可怕，更可怕既係行刑者竟然係一班十幾歲既小朋友！

就今次澳門發生呢件既可怕更可恨既事，本地機構澳門保護遺棄動物協會AAPAM發起名為<打破沉默！關注虐畜愛心行>既遊行活動，故名思義，我地要出聲啦！要聲討嗰啲虐待欺負動物既人！包括大人！包括小朋友！

我成日都講，你有感覺，貓狗其他動物有冇感覺？好！你話你肚餓，你要食貓食狗食其他，fine！我no comments，點解？因為即使你係劏佢殺佢，你都係為咗裹腹飽肚，起碼唔需要去折磨佢令佢死同埋呢條生命算係死得有個價值！另外又有人，縱貓狗又唔打唔鬧，嗱！我自問冇咁好脾氣，佢乖，我會錫會讚！佢曳，我會鬧！更曳，我會打！此謂之賞罰分明！管治及教導人類都要賞罰分明啦，可況係畜生，係咪？不過，整件事都係適可而止，乖，錫同讚都有個限度，夠就得啦！曳，鬧同打都要有個限度，佢知驚就可以，知道自己錯就可以，並唔係要虐打佢哋！唔係為娛樂去欺負虐待佢地！

人類都係萬物中其中一樣渺小既東西嚟咋，無疑係，我哋係高智慧生物，咁係咪代表我哋可以目空一切去殘害身邊其他既生物呢？！係咪要運用我哋所謂既高智慧去折磨其他動物呢？？

我充心希望，所有睇到我呢篇文章既朋友，親人，過路人，有時間都支持及參與呢個遊行，詳情可到此處查詢，唔得閒去都唔緊要！簽個名都得卦？佢仲有個簽名大行動，簽名紙此處下載

多謝！