給周杰倫

周生:

你終於都嚟澳門開show，先預祝你演出成功

想起嚟，我由你出第一隻碟<JAY同名專輯>已經聽你既音樂，你既音樂，我可以話每首都聽過，冇講大話架，<印第安老班鳩>，<反方向的鐘>，好多由<開不了口>先開始聽你音樂既樂迷，未必聽過，或者係唔願聽，因為唔係佢地喜歡既你，但對於我，<JAY同名專輯>係你至今所有專輯，大碟，電影音樂所有所有當中最愛的

反而令你紅遍港澳既<開不了口>及<安靜>，我冇咩感覺，認真講，係冇任何理由或意欲想一聽再聽

你既星途一直都好暢順，形象亦開始由初出道既靦腆男生，一步步...對唔住，係百步百步地變成華衣錦服，金銀包裝，而你既表情亦由不愛笑變成自負既笑容，無可否認，你有既係實力，但，我早已發現，你唔係<JAY同名專輯>內既周杰倫

商業化，已經慢慢蠶食你的思維

再來講一聲對唔住，聽你音樂咁耐，你每個演唱會，我都冇睇過，包括現場，VCD，DVD，因為我愛聽你既音樂，唔代表要去睇你著住演唱會中華麗既歌衣表演，我唔需要特登去現場睇你個樣，SEE？

最後一句：我，只愛你的音樂！