[談古靈精探大團圓結局]乜要爛起上來真係可以爛成咁...-_-|||

今晚冇咩做，所以特登等睇古靈精探大結局，雖然有個咩家庭觀眾匯應通決定生死大結局遊戲，諗死實會拍多個大團圓結局架啦，但係估唔到個大團圓結局真係爛到咁樣，爛得咁徹底我都係第一次見，我直頭睇到O晒咀，加埋啲死人爛gag落去，真係睇到想打爆部電視！

啱啱上uwants度睇吓啲人點講，個個睇完個結局都話一個字：爛！，跟住我見某會員話睇完個咁爛嘅大團圓要即刻上網睇返個合情合理嘅悲劇收場結局，跟住我諗，又係喎，可以上網睇返，就去咗土豆網度睇，呢個悲劇收場結局雖然喺交待上係簡單咗啲，但係起碼唔怕揼波鐘兼唔怕搞超低能唔搞笑爛gag先丫

古靈精探正常版大結局(于子朗死) - 下半PART