我的護膚聖品

自小對化妝品興趣不大，反而由頭到腳嘅護理用品我就最鐘意，所以細個好鐘意行屈臣氏，大個咗就成日行SaSa，卓悅同萬寧，唔睇化妝品，專睇洗頭水、護髮素、DIY焗油、磨砂產品、洗面產品等等，總之一個月最少一定要買一樣護理用品，唔買唔安樂咁，所以機緣巧合之下我第一次入過LUSH之後，我就愛上咗呢個品牌

圖中呢套就係我前排去LUSH買滿MOP 399得返嚟嘅旅行套裝贈品，可以見到有一個透明化妝裝，黑色嗰支係<羅馬許願池爽膚水(Eau Roma Water)>，另外3個銀色小盒分別係<獨門秘方潔面霜(Ultra Bland)>、<海洋水晶磨砂膏(Ocean Salt)>、<只愛光防曬日霜(Ultralight)>，除咗Eau Roma Water我全部都未用過，可以一次過試晒3種我未用過嘅產品，好開心呀！^口^

先講講Ocean Salt，佢嘅功用淨係for磨砂，同<薄荷清爽面膜(Mask of Magnaminty)>唔同，都幾大粒海鹽，但係唔怕剌手，藍白色冰砂質地，味道好清新，好有summer feel，右手背磨完摸落明顯比左手背滑

再試Ultra Bland，就用喺啱啱用Ocean Salt磨完嘅右手背，呢個product好似凡士林咁多用途，可以抹走面部、眼及唇部淡妝，或用嚟滋潤唇部或身體及面部乾燥皮膚，我用半粒豆份量搽上手背，質地係有啲油，但係唔黏立，好快吸收，同樣地味道好舒服，好似BB味咁，睇得到右手背係有光澤啲，但係絶對唔係油淋淋，what a nice cream！

最後到Ultralight，我求其搽咗落左手手臂上面，質地唔似坊間好多防曬產品咁黏立，吸收相當快，但仍保留一層光澤喺表面，味道就有啲似Ultra Bland，不過就夾雜咗啲防曬品嘅味道，唔錯唔錯

我鐘意LUSH有好多原因，除咗因為好用、味道香之外，佢每件product都會清楚列明made by邊個，made on幾時同埋made in邊度，感覺好真實，而且佢係still against animal testing，完全符合我使用產品嘅原則

按此進入LUSH